«Порту» дарвозабони Икер Касильяс фаолиятини Италия чемпионатида давом эттириши мумкин.
36 ёшли футболчининг вакиллари унинг хизматини «Наполи» клубига таклиф қилмоқда, деб хабар беради Football Italia.
Касильяснинг «Порту» билан имзолаган шартномаси июнь ойининг охирида ниҳоясига етади ва томонлар уни узайтирмасликка қарор қилган.
Ўтган мавсумда Касильяс «Порту» таркибида барча мусобақаларда 43 ўйин ўтказди ва уларнинг 23тасида ўз дарвозаси даҳлсизлигини сақлаб қолди.
Аввалроқ, уни «Марсель» ёки «ПСЖ»га ўтиши мумкинлиги ҳақида хабарлар чиққан эди.