Жанубий Кореяда 20 ёшгача бўлган футболчилар ўртасидаги жаҳон чемпионати якунига етди.

Англия терма жамоаси финалда Венесуэлани (1:0) мағлуб этиб, олтин медалларни қўлга киритди. Учинчи ўрин учун баҳсда Уругвайни енгган Италия бронза медалларига эга бўлди.

Англия терма жамоаси ва «Ливерпуль» ҳужумчиси Доминик Соланке мусобақанинг энг яхши футболчиси деб топилди. Кучли учликдан Федерико Вальверде (Уругвай, «Реал»), Янхел Эррера (Венесуэла, «Манчестер Сити») ҳам жой олди.

7 ўйинда 5та гол урган италиялик Риккардо Орсолини («Ювентус») мусобақанинг энг яхши тўпурари бўлди. Ундан кейинги ўринларни 4тадан гол урган Жош Саржент (АҚШ), Фешн Сакала (Замбия, «Спартак»), Жан-Кевен Огюстен (Франция, «ПСЖ»), Серхио Кордова (Венесуэла, «Каракас») ва Доминик Соланке (Англия, «Ливерпуль») эгаллади.