"Порту" клуби ва Португалия терма жамоаси ҳужумчиси Андре Силвамиллий терма жамоада Криштиану Роналдунинг вориси бўлиши мумкин. Бу ҳақида "Реал" ҳужумчисининг ўзи айтди.
"Фаолиятимни тугатсам, Португалия яхши қўлларда бўлади. Чунки уларда катта ҳужумчи бор. Бу Андре Силва", - дейди Роналду.
Эслатиб ўтамиз, 22 ёшли футболчи "Милан"га ўтишга яқин турибди. Италия матбуотига кўра, футболчи тиббий кўрикдан ўтиш учун Миланга етиб келган.
Андре Силва ЖЧ-2018 саралашида 6 учрашувда 6 та гол урди ва 1 та голга тўп оширди.
