"Наполи" дарвозабони Пепе Рейнага "Милан" қизиқмоқда, дея хабар беради Gazzetta dello Sport.
Аммо Рейна миланликлар учун Б режада турибди, улар Жанлуижи Доннарумма билан келиша олмасалар, Рейнага мурожаат қилишлари мумкин.
18 ёшли Доннарумма агенти Мино Райола билан Монте-Карлода учрашиб, ўз келажагини муҳокама қилди. "Милан" раҳбарияти 16 июнь куни старт оладиган ёшлар ўртасида Европа чемпионатигача дарвозабондан жавоб кутади. У мусобақада Италия ёшлар термасининг дарвозасини қўриқлайди.
"Милан" Доннаруммага йиллик 5 млн евро маош билан 5 йиллик шартнома таклиф қилишга тайёр. Агар Доннарумма сотилса, Рейна миланликларнинг асосий трансфер нишонига айланади. Унинг "Наполи" билан шартномаси 2018 йилнинг ёзигача тузилган.
