Германия терма жамоаси бош мураббийи Иоахим Лёв 17 июндан 2 июлгача Россияда бўлиб ўтадиган Конфедерациялар кубоги мусобақасида Чили терма жамоасини фаворит деб атади.
"Конфедерациялар кубоги фаворити? Менимча бу - Чили. Бу жамоа яхши тайёрланган.
Ўзимизга келсак, асосий мақсадимиз ўйинчиларга майдонда кўпроқ вақт бериш. Бор йўғи 10 дақиқа ўйнайдиган ўйинчини олиб боришдан маъно йўқ. Бошқа томондан, иштирокимизга баҳо бериш қийин бўлади. Мен ўйинлар орасида мувозанат ушлаб, жамоа қанча ўзгаришларга дош бера олишини ҳал қилишим керак.
Аммо асосий мақсадимиз - ёш ўйинчиларимизга кўпроқ ўйин имконияти бериш. Бу мусобақадан олишим лозим бўлган ягона нарса шу", - дейди Лёв.
