"Реал"нинг собиқ президенти Рамон Кальдерон ҳужумчи Криштиану Роналдунинг жамоадан кетиш ҳақидаги фикрига муносабат билдирди.

"Мен уни "МЮ"дан сотиб олганимда шунга ўхшаш ҳолат бўлган эди - у у ердан кетишни истади ва биз шартнома имзолагандик. Агар у кетишни истаса, бу ҳаммаси тугади дегани, президент сифатида ҳеч нарса қила олмайсан. Уни қўйиб юборишинг ва фойдали келишувга эришишинг мумкин.

Мен унинг Хитойга ёки Яқин Шарққа боради, деб ўйламайман. У жуда яхши формада ва зўр ўйнаяпти. У Погбадан қиммат бўлади, чунки у яхши ўйинчи. Унис сотиб олишни истаганлар катта пул тўлашларига тўғри келади", - дейди Кальдерон.