«Монако» ҳужумчиси Килиан Мбаппе клуб раҳбарияти билан учрашиб, келажагини муҳокама қилиб олди.
Футболчи учрашувда 2017/18 мавсумини «Монако»да ўтказиб, кейин «Реал»га ўтмоқчи эканини айтган.
Аммо унинг режаларини ПСЖ бузиб қўйиши мумкин. Парижликлар футболчининг шартномасида кўрсатилган 135 млн евро товон пулини тўлашга тайёр. Агар бу иш амалга ошса, «Монако» ўз юлдузини қўйиб юборишга мажбур бўлади. Чунки «Реал» Мбаппе трансфери учун бор йўғи 100 млн бермоқчи.
Аввалроқ, «Реал» Мбаппе билан шартнома имзолаб, уни «Монако»га ижарага бермоқчи экани ҳақида хабарлар чиққан эди.
