Ла Лига президенти Хавьер Тебас «Реал» ҳужумчиси Криштиану Роналду билан боғлиқ вазиятга изоҳ берди.
Футболчи солиқларни тўлашдан бўйин товлаганликда айбланган ва Испанияни тарк этишини маълум қилганди.
«Унинг атрофидаги одамларнинг профессионал эканини биламан, шу туфайли унинг айбсизлигига ишончим комил.
Биз шундай даврда яшамоқдамизки, солиқ идоралари берган ҳар қандай хабардан сўнг исталган одам фирибгарга чиқиб қолади. Ишончим комил, Роналду айбсиз. У ҳақда ўқиган нарсаларимдан келиб чиққан ҳолда айтишим мумкинки, у ҳеч қандай жиноятни содир қилмаган» - деди Тебас La Sexta телеканали эфирида.
