La Liga prezidenti Xavyer Tebas «Real» hujumchisi Krishtianu Ronaldu bilan bog‘liq vaziyatga izoh berdi.
Futbolchi soliqlarni to‘lashdan bo‘yin tovlaganlikda ayblangan va Ispaniyani tark etishini ma’lum qilgandi.
«Uning atrofidagi odamlarning professional ekanini bilaman, shu tufayli uning aybsizligiga ishonchim komil.
Biz shunday davrda yashamoqdamizki, soliq idoralari bergan har qanday xabardan so‘ng istalgan odam firibgarga chiqib qoladi. Ishonchim komil, Ronaldu aybsiz. U haqda o‘qigan narsalarimdan kelib chiqqan holda aytishim mumkinki, u hech qanday jinoyatni sodir qilmagan» - dedi Tebas La Sexta telekanali efirida.
