Сўнгги кунларда мухлислар оғзида бир гап: «Навбаҳор» айрим футболчиларга жавоб бериб юборибди».
Олинган маълумотларга қараганда ҳозирда Акмал Ортиқов, Нодир Ашурматов, Мансур Саидов ва Тоҳир Шамсиддинов жамоа билан бирга эмас. Нима сабабдан ушбу футболчилар клуб ихтиёрида эмаслиги бизга қоронғи. Шу масалада раҳбарият билан боғланганимизда тайинли жавоб ололмадик.
«Навбаҳор» мазкур футболчиларга жавоб бериб юборгани тасдиқланмаган бўлса-да, улар клубни тарк этишгани бор гап.
Биринчи давра якунланишига бир тур қолганда наманганликлар таркибида ўзгаришлар бошланиб кетди.
