Германия терма жамоаси бош мураббийи Йоахим Лёв КК-2017 мусобақасидан ўрин олган Чилига (22 июнь) қарши ўйиндан олдин ўз фикрларини айтди.
«Чили терма жамоасидан ҳар нарсани кутса бўлади. У тактика борасида жуда айёр. Унда ғолиблик менталитети бор. Бу жамоа футболчилари гол уришни билади ва истайди. Барча футболчилар ҳужумда ҳаракат қилишга қодир. Рақибимиз - дунёнинг энг ўзгарувчан жамоаларидан бири.
Биз дадил, ҳужумкор ўйин намойиш этмоқчимиз. Чилига қарши бошқача ўйнаб бўлмайди. Эртага қўлга киритиладиган тажриба биз учун қадрли бўлади. 90 дақиқа давомида диққатни сусайтирмаслигимиз лозим. Ухлаб қолиш мумкин эмас. Футболчиларимда яхши ўйин намойиш қилиш учун дадиллик етарли» - деди Лёв.
