«Милан» клуби Италия А Сериясининг 35-тури доирасида сафарда «Сассуоло» меҳмони бўлди ва 2:0 ҳисобида имкониятни бой берди.
Учрашувнинг 5-дақиқасидаёқ Доменико Берарди ҳисобни очди. 47-дақиқада эса Арман Лорьенте «Сассуоло»нинг иккинчи голини урди.
Меҳмонлар ўйиннинг катта қисмини бир киши кам бўлиб ўтказишди — 24-дақиқада Фикайо Томори иккинчи сариқ карточкасини олиб, майдондан четлатилди.
Бу мағлубиятга қарамай, «Милан» (67 очко) А Серия турнир жадвалида учинчи ўринда қолмоқда. «Сассуоло» эса 49 очко билан жадвалнинг тўққизинчи поғонасига кўтарилиб олди.
