Португалия терма жамоаси бош мураббийи Фернанду Сантуш КК-2017 мусобақасидан ўрин олган Россияга (1:0) қарши ўйиндан сўнг ўз фикрини айтди.
«Мексикага қарши ўйинда иккита гол уриб, ғалаба қозонолмагандик. Бугун битта гол ҳам етарли бўлди – бундан мамнунман.
Биринчи бўлимда яхши ўйнадик, иккинчи бўлимда Россия баланд бўйли икки футболчини тушириб, бизга муаммо туғдира олди. Бироқ қўлдан келганча ҳаракат қилиб, ғалабани ушлаб қолдик.
Криштиану бу ерга Португалия термаси ўйини ҳақида гапириш учун келди. У шахсий саволларга жавоб бермай тўғри қилди. Футболчининг шахсий ҳаётини ҳурмат қилиш керак» - деди Сантуш.
