Олий Лига мусобақа жадвали пешқадами “Локомотив” навбатдаги учрашувини пойтахтимизнинг яна бир клуби – “Бунёдкор”га қарши ўтказади.
“Темирйўлчилар” жамоаси мазкур ўйинга ҳозирликни бошлаб юборди. Бугун ҳам “Локомотив” футболчилари ўз қароргоҳида машғулот ўтказишди. Машғулот жараёнида футболчилар тўп билан муомала қилиш борасидаги ранг-баранг машқларни бажаришди.
Ҳозирча жароҳатини даволаётган футболчиларимиздан ҳеч бири умумий гуруҳ машғулотларига қўшилганича йўқ. Ислом Тўхтахўжаев ҳамон якка тартибда шуғулланишда давом этмоқда. Диёр Туропов ҳам ҳали умумий машғулотларда иштирок этишни бошламади.
