«Барселона» ёшлар жамоаси футболчиси Карлос Аленья янги шартномага имзо чекди.
Унга кўра, 19 ёшли иқтидор яна уч йил давомида каталонияликлар шарафини ҳимоя қилади. Агар Аленья асосий таркиб жамоасига ўтса, шартнома яна икки йилга автоматик тарзда узайтирилади.
Бундан ташқари, Аленья бош жамоа асосий таркибига ўрнашиб қолса, унинг товон пули 75 млн еврога тенг бўлади.
Ўтган мавсумда футболчи Испания кубогининг 1/16 финалида «Барселона» таркибида дебют қилиб, «Эспаньол»га (1:1) қарши ўйинда гол уришга муваффақ бўлган эди.
