Конфедерациялар кубоги-2017 яримфинали Португалия ва Чили жамоалари ўртасида (0:0 пеналтилар серияси бўйича 0:3) ўтган учрашувда чилилик дарвозабон эътирофга сазовор бўлди.

Клаудио Браво мазкур баҳсда пеналтилар серийасида кетма-кет 3та зарбани қайтаришга муваффақ бўлди ва Чили термасини финалга чиқишида асосий ролни бажарди. У шунингдек, ўйин давомида ҳам ўз дарвозасида ишончли ҳаракат қилди.

Шу тариқа, Конфедерациялар кубогининг ташкилий қўмитаси посбонни учрашувнинг энг яхши футболчиси дея эълон қилди.

Браво мазкур совринни қўлга киритганидан сўнг оавга берган интервюсида бу қайтарилган учта пеналти шунчаки тасодиф эмаслигини айтиб ўтди.

"Йўқ, мени ўйлашимча бу шунчаки тасодиф эмас. Бундай натижаларга эришиш учун ўз устимда анча меҳнат қилганман. Биз мазкур рақибга қарши ҳар томонлама тайёргарлик кўрган эдик. Тўғри кўпчилик жамоадошларим чарчашган. Лекин мен бунга олдиндан тайёргарлик кўргандим.

Учрашув давомида португалияликларда жуда кўплаб имкониятлар бўлди. Лекин биз ҳам бу ҳужумларга тенг даражада жавоб бера олдик деб ўйлайман. Ғалабамиз замирида ўзимизга бўлган ишонч ётибти", - дейди Браво.

Эслатиб ўтамиз, Чили термаси финал баҳсини 2 июн санасида Германия-Мексика ўйини ғолибига қарши ўтказади.