Konfederasiyalar kubogi-2017 yarimfinali Portugaliya va Chili jamoalari o‘rtasida (0:0 penaltilar syeriyasi bo‘yicha 0:3) o‘tgan uchrashuvda chililik darvozabon e’tirofga sazovor bo‘ldi.

Klaudio Bravo mazkur bahsda penaltilar syeriyasida ketma-ket 3ta zarbani qaytarishga muvaffaq bo‘ldi va Chili termasini finalga chiqishida asosiy rolni bajardi. U shuningdek, o‘yin davomida ham o‘z darvozasida ishonchli harakat qildi.

Shu tariqa, Konfederasiyalar kubogining tashkiliy qo‘mitasi posbonni uchrashuvning eng yaxshi futbolchisi deya e’lon qildi.

Bravo mazkur sovrinni qo‘lga kiritganidan so‘ng oavga bergan intervyusida bu qaytarilgan uchta penalti shunchaki tasodif emasligini aytib o‘tdi.

"Yo‘q, meni o‘ylashimcha bu shunchaki tasodif emas. Bunday natijalarga erishish uchun o‘z ustimda ancha mehnat qilganman. Biz mazkur raqibga qarshi har tomonlama tayyorgarlik ko‘rgan edik. To‘g‘ri ko‘pchilik jamoadoshlarim charchashgan. Lekin men bunga oldindan tayyorgarlik ko‘rgandim.

Uchrashuv davomida portugaliyaliklarda juda ko‘plab imkoniyatlar bo‘ldi. Lekin biz ham bu hujumlarga teng darajada javob bera oldik deb o‘ylayman. G‘alabamiz zamirida o‘zimizga bo‘lgan ishonch yotibti", - deydi Bravo.

Eslatib o‘tamiz, Chili termasi final bahsini 2 iyun sanasida Germaniya-Meksika o‘yini g‘olibiga qarshi o‘tkazadi.