Чили шифохоналаридан бирининг жарроҳлари иш пайтида футбол томоша қилгани маълум бўлди.

National Helm хабарига кўра, шифокорлар жарроҳлик амалиётини бажараётган пайтда КК-2017 яримфиналидан ўрин олган Португалия — Чили (0:0, пен. 0:3) ўйинини томоша қилган.

Бу ҳақдаги видео ижтимоий тармоқларда тарқалиб кетган. Унда шифокорлар Клаудио Бравонинг сэйвларидан хурсанд бўлаётгани тасвирланган.

Бу видео Чилида катта шов-шув келтириб чиқарган. Парламент депутати Карла Рубилар шифокорларни масъулиятсизликда айблаган ва бу можаро юзасидан текширув ўтказиш лозимлигини айтган.