«Реал» ҳужумчиси Криштиану Роналду жамоани тарк этмоқчи экани ҳақидаги хабарларга изоҳ берди.
Mundo Deportivo хабарига кўра, Криштиану Роналду қироллик клуби вакиллари билан бўлган учрашувда бу миш-мишларни тасдиқламаган ва клубни тарк этиши ҳақидаги хабарларни инкор қилган. Бироқ у Испания прокуратураси томонидан солиқларни тўламаслик бўйича эълон қилинган айбловларнинг асоссиз эканини айтиб, бу воқеадан жуда қайғуда эканини билдирган. Энди у келаси ҳафтада клуб президенти Флорентино Перес билан учрашиб, вазиятни муҳокама қилиб олади.
Эслатиб ўтамиз, Испания прокуратураси уни 14,7 млн евро миқдоридаги солиқларни тўламаганликда айбламоқда. Бу борадаги суд маҳкамаси 31 июль куни ўтказилади. «Реал» унга барча жарималарни тўлаб, вазиятдан чиқиб кетишни тавсия қилган.
