Давралар оралиғида «Навбаҳор» билан яна икки нафар футболчи хайрлашди.
Мавсум арафасида жамоа билан шартнома тузган Абдуазиз Султанов ва Рўзимбой Аҳмедов иккинчи даврани бошқа жамоаларда ўтказишади.
Султанов биринчи даврада асосан захирада қолиб кетган бўлса, Аҳмедов жароҳат туфайли жамоага деярли ёрдам беролмади.
Бир қатор футболчилар жамоа билан хайрлашгач, ҳужум чизиғида Неманья Йованович қолди. Бош мураббий Илҳом Мўминжонов легионерга муносиб шерик қидираётганини билдириш лозим. Ҳозирда музокаралар давом этмоқда. Мураббий янги футболчилар билан келишув амалга ошгач, таркибга қўшиладиганлар номини ошкор қилади.
