Германия терма жамоаси бош мураббийи Йоахим Лёв КК-2017 финалидан ўрин олган Чили терма жамоасига қарши ўйиндан олдин ўз фикрларини айтди.
«Яримфиналдаги ютуқдан сўнг жамоанинг кайфияти жуда яхши. Мақсадимиз – финалга чиқиш эди. Уни бажара олдик ва ҳақли равишда финалда ўйнаймиз. Германия ва Чили мусобақанинг энг яхши жамоалари. Эртага шиддатли кураш кетади, биз бунга тайёрмиз.
Пенальтилар сериясидан қўрқаманми? Йўқ. Чилида яхши футболчилар ва дарвозабон бор. Аммо бизда ҳам пенальтини яхши амалга оширадиган футболчилар кўп» - деди Лёв.