Конфедерациялар кубоги финали якунланганидан кейин кўпчилик нигоҳини Видалга қаратган бўлса, ажаб эмас. Боиси финалдан олдин энг кўп гапирган футболчи айнан Артуро Видал эди. Айниқса, унинг Германия терма жамоасининг иккинчи таркиби ҳақида айтган гаплари немис термаси мухлисларини ранжитгани ҳам бор гап. Хусусан, Видал германиялик йигитчалар уларни кўрганида довдираб қолишини, Чили эса бундан самарали фойдаланиши кераклигини таъкидлаганди. Ўйин бошида унинг тахмини ўзини оқлади ҳам. Германия футболчилари дастлабки 10 дақиқада пала-партиш ўйин кўрсатишди, мувозанатни йўқотиб қўйишди, Чили эса бундан фойдаланиб ҳужумлар ёмғирини ёғдирди. Шунда Видалнинг гаплари тўғрига ўхшайди деб ўйлаб ҳам қолдик, бироқ воқеалар ривожи бутунлай ўзгариб кетди.
ВИДАЛНИНГ БУРНИНИ ҚАНДАЙ ҚОНАТИШДИ?
