Konfederatsiyalar kubogi finali yakunlanganidan keyin ko‘pchilik nigohini Vidalga qaratgan bo‘lsa, ajab emas. Boisi finaldan oldin eng ko‘p gapirgan futbolchi aynan Arturo Vidal edi. Ayniqsa, uning Germaniya terma jamoasining ikkinchi tarkibi haqida aytgan gaplari nemis termasi muxlislarini ranjitgani ham bor gap. Xususan, Vidal germaniyalik yigitchalar ularni ko‘rganida dovdirab qolishini, Chili esa bundan samarali foydalanishi kerakligini ta’kidlagandi. O‘yin boshida uning taxmini o‘zini oqladi ham. Germaniya futbolchilari dastlabki 10 daqiqada pala-partish o‘yin ko‘rsatishdi, muvozanatni yo‘qotib qo‘yishdi, Chili esa bundan foydalanib hujumlar yomg‘irini yog‘dirdi. Shunda Vidalning gaplari to‘g‘riga o‘xshaydi deb o‘ylab ham qoldik, biroq voqealar rivoji butunlay o‘zgarib ketdi.
VIDALNING BURNINI QANDAY QONATISHDI?
