«ПСЖ» «Монако» ҳужумчиси Килиан Мбаппени қўлга киритишга ҳаракат қилмоқда.
Испаниянинг Telecinco телеканали хабар тарқатишича, парижликлар Мбаппега "Реал" бермоқчи бўлган маошдан 2 баравар кўпроқ маош таклиф қилишмоқда. "ПСЖ" бермоқчи бўлган йиллик маош солиқларни чиқариб ташлагандан кейин 12 миллион еврони ташкил қилади. Мадридликлар эса 18 ёшли футболчига 6 миллион ерво маош таклиф қилишганди. Франция ва Испанияда даромад солиғи тахминан 45%ни ташкил қилади.
Мбаппенинг отаси ҳам ўғлининг «ПСЖ»га ўтишини истамоқда. Футболчининг ўзи эса келажаги борасида ҳали бир қарорга келмади. Катта эҳтимол билан у «Монако»да яна бир мавсум қолади.