«Челси» клуби ҳужумчи Диего Коста туфайли мураккаб вазиятга тушиб қолган.
Mirror хабарига кўра, инглиз клуби футболчини зудлик билан сотиб юборишни истамоқда. Аввалроқ, бош мураббий Антонио Конте унинг хизматига муҳтож эмаслиги ҳақида гапирганди.
Диего Костанинг ўзи фақат «Атлетико» клубига ўтишни истаяпти. Бундан хабардор бўлган мадридликлар унинг трансфери учун бор йўғи 25 млн евро таклиф қилмоқда. Бироқ «Челси» уни 2014 йилда «Атлетико»дан 35 млн еврога сотиб олган ва камида шунча нархга қўйиб юбормоқчи.
Аввалроқ, Хитойнинг «Тяньцзинь Цюаньцзянь» клуби Диего Коста учун € 86,5 млн таклиф қилган эди, бироқ футболчи Осиёга кўчиб ўтишни истамади. Энди «Челси» футболчи туфайли 61 млн евродан маҳрум бўлиши мумкин.
