«Наполи» клуби ва Аргентина терма жамоаси афсонавий футболчиси Диего Марадона Неапол шаҳри фахрий фуқаросига айланди. Марадонага бу борадаги расмий ҳужжатни топшириш маросими шаҳарнинг асосий майдони ҳисобланган Пьяцца-дель-Плебишитода бўлиб ўтди.
Марадона «Наполи» таркибида 259та ўйинда майдонга тушиб, 115та гол урди. У жамоа билан 2 марта Италия чемпионлиги, Италия кубоги ва мамлакат суперкубоги ҳамда УЕФА кубогини қўлга киритди.
«Мен бу ерга келганимдаёқ ўзимни неаполлик деб ҳис қилганман. Бошқа ҳеч бир жойда мени Неаполдагидек илиқ кутиб олишмаган. Менга шаҳарнинг фахрий фуқароси берилиши истмаганларга ҳам миннатдорчилик билдирмоқчиман. Демак, ҳамма нарсани демократик йўл билан ҳал қилса бўлади. Лекин бу шаҳар учун нимадир қилганимни исботламоқчиман», — деди Марадона.
