Фикр-у хаёли Флойд Мейвезер билан бокс тушиш бўлган Конор МакГрегор UFC ҳақида деярли ўйлаётгани йўқ.
Бу эса мазкур спорт турида меҳнат қилаётган қолган спортчиларга хуш келмаяпти.
Бразилиялик аралаш қоидалар жангчиси Эдсон Барбоса Конордан чемпионлик камарини олиб қўйишни талаб қилиб чиқди. Боиси МакГрегор қолган спортчиларни ҳурмат қилаётгани йўқ.
"Конор узоқ вақт жангга чиқмади. Унга UFC қизиқ эмас. МакГрегор бизни ҳурмат қилмаяпти.
UFC эса ундан камарини олиб қўйиш ҳақида ўйламаяпти. Нима учун Жермейн де Рандамидан камар олинди-ю, Конордан эса йўқ. Ундан ҳам камарни олинг!
МакГрегор ҳақиқий чемпион эмас. У умуман бошқа спорт тури — бокс ҳақида ўйламоқда. Ақлдан озиш ҳеч гап эмас" - деди Эдсон Барбоса, UFC жангчиси.
Конор МакГрегор ва Флойд Мейвезер жанги шу йилнинг 26 август санасида бўлиб ўтади.
