"Навбаҳор"нинг иккинчи даврага тайёргарлиги давом этмоқда.
Дастлабки кунги машғулотларда жамоа легионерлари Дарко Станоевич, Неманья Йованович Сербия жўнаб кетганлиги сабабли қатнаша олишмаганди. Шунингдек, Ойбек Қиличев ҳам айрим сабабларга кўра йиғинга қўшила олмаганди. Бугун уч футболчимиз ҳам Наманганга етиб келди.
Сўнгги пайтларда Йованович ва Қиличев иккинчи даврани бошқа жамоада ўтказиши мумкин деган гап-сўзлар пайдо бўлганди. Жамоа бош мураббийи Илҳом Мўминжонов бу каби гап-сўзлар миш-мишдан ўзга нарса эмаслигини билдириб, ҳар икки футболчини ҳам фаолиятини "Навбаҳор"да давом эттиришини маълум қилди.
Шу ўринда давралар оралиғида таркибни кучайтириш борасида селекция ишларини давом этаётганлигини қўшимча қилиш жоиз.
