"Navbahor"ning ikkinchi davraga tayyorgarligi davom etmoqda.

Dastlabki kungi mashg‘ulotlarda jamoa legionerlari Darko Stanoyevich, Nemanya Yovanovich Serbiya jo‘nab ketganligi sababli qatnasha olishmagandi. Shuningdek, Oybek Qilichev ham ayrim sabablarga ko‘ra yig‘inga qo‘shila olmagandi. Bugun uch futbolchimiz ham Namanganga yetib keldi.

So‘nggi paytlarda Yovanovich va Qilichev ikkinchi davrani boshqa jamoada o‘tkazishi mumkin degan gap-so‘zlar paydo bo‘lgandi. Jamoa bosh murabbiyi Ilhom Mo‘minjonov bu kabi gap-so‘zlar mish-mishdan o‘zga narsa emasligini bildirib, har ikki futbolchini ham faoliyatini "Navbahor"da davom ettirishini ma’lum qildi.

Shu o‘rinda davralar oralig‘ida tarkibni kuchaytirish borasida seleksiya ishlarini davom etayotganligini qo‘shimcha qilish joiz.