Австрияда давом этаётган футбол бўйича шифокорлар ўртасидаги Жаҳон чемпионатида Ўзбекистон терма жамоаси яримфиналга йўлланма олганди.
Финал остонасида ўзбекистонлик шифокорларга Чехия рақиб бўлди. Чоракфиналда Венгрия билан дуч келган чех докторлари асосий вақтни 0:0 ҳисобида якунлади ва пенальтилар сериясига кўра зафар қучиб, финал остонасига етиб келди.
Яримфиналнинг иккинчи ўйинида Колумбия ва Швеция термалари ўзаро саф тортади.
Маълумот учун, Ўзбекистон гуруҳ босқичида мезбон Австрия билан 0:0 ҳисобида дуранг ўйнаган бўлса, АҚШни 4:1, Бразилияни 2:0 ҳисобида таслим қилди. Чоракфиналда эса Буюк Британия термаси мағлуб этилди — 1:0.