«МЮ» бош мураббийи Жозе Моуриньо ҳужумчи Златан Ибраҳимович билан янги шартнома имзоланиши мумкинлигини таъкидлаб ўтди.

«Ибраҳимович жамоага қайтиши мумкин. У музокаралар учун очиқ. Златан якунланган мавсумдан қониқиш ҳосил қилмади. Боиси, у етарли ўйин амалиётига эга бўлмади. У юқори савияда ўйнашда давом этишни истайди.

Биз футболчи учун эшикларни очиқ қолдирамиз. У бизнинг базамизда жароҳатдан тикланишда давом эттириши мумкин. Биз бунга қарши эмасмиз.

Декабргача кутиш лозим бўлса, у бундан эртароқ тикланмаса керак, бизга кўп нарса берган бундай яхши ўйинчини нега кутмаслигимиз керак», – деди Моуриньо.

Эслатиб ўтамиз, Ибраҳимович тиззасидан жароҳат олиб, йил охирига қадар сафдан чиққан.