Ҳонгконгда «АПЛ кубоги» деб номланган тижорат турнири якунланди.

Кичик мусобақа финалида «Ливерпуль» ва «Лестер» клублари беллашди.

12-дақиқада Ислом Слимани чап қанотдан йўлланган тўпни боши билан дарвозага киритди ва «Лестер»ни ҳисобда олдинга олиб чиқди. Бироқ, «Ливерпуль» танаффусгача нафақат вазиятни тенглаштирди, балки ҳисобда ҳам олдинга чиқиб олди. Дастлаб, Коутиньо узатган тўпни Муҳаммад Салоҳ боши билан дарвозага йўллади. Сўнгра бразилиялик яримҳимоячининг ўзи узоқ масофадан чиройли зарба йўллаб, гол урди ва якуний ҳисобнинг 2:1 бўлишини таъминлади.

АПЛ кубоги, Финал
Ҳонгконг, 22 июль
Лестер - Ливерпуль 1:2 (1:2)
Голлар: Слимани, 12 (1:0); Салоҳ, 20 (1:1); Коутиньо, 44 (1:2).