Hongkongda «APL kubogi» deb nomlangan tijorat turniri yakunlandi.
Kichik musobaqa finalida «Liverpul» va «Lester» klublari bellashdi.
12-daqiqada Islom Slimani chap qanotdan yo‘llangan to‘pni boshi bilan darvozaga kiritdi va «Lester»ni hisobda oldinga olib chiqdi. Biroq, «Liverpul» tanaffusgacha nafaqat vaziyatni tenglashtirdi, balki hisobda ham oldinga chiqib oldi. Dastlab, Koutinyo uzatgan to‘pni Muhammad Saloh boshi bilan darvozaga yo‘lladi. So‘ngra braziliyalik yarimhimoyachining o‘zi uzoq masofadan chiroyli zarba yo‘llab, gol urdi va yakuniy hisobning 2:1 bo‘lishini ta’minladi.
APL kubogi, Final
Hongkong, 22 iyul
Lester - Liverpul 1:2 (1:2)
Gollar: Slimani, 12 (1:0); Saloh, 20 (1:1); Koutinyo, 44 (1:2).
