«Ливерпуль» бош мураббийи Юрген Клопп Ҳонгконг сафаридан сўнг, жамоа ўйини ҳақида ўз фикрларини айтди.
«Қизиллар» Premier League Asia Trophy финалида «Лестер»ни 2:1 ҳисобида мағлуб этганди.
«Энг ёқимлиси - икки ўйиндаги икки ғалаба. Аммо жамоа бироз оғирроқ ўйнаганини сезгандирсиз. Чунки футболчиларимизнинг жисмоний ҳолати ҳали маромига етмади.
Биз гол ўтказиб юборгач, яхши ўйин намойиш қилиб, иккита жавоб тўпини киритдик. Бу менга ёқди, аммо ҳимоядаги ўйинимиз устида яна ишлашимиз кераклиги кўриниб қолди. Ҳали мавсум бошлангани йўқ, бироқ бу муаммони ҳал қилишимиз шарт» - деди Клопп Sky Sports хабарида.
