Бугун Усмон Тошев бошқарувидаги “Андижон” Тошкентда навбатдаги синов-назорат учрашувида майдонга тушди.
Бу сафарги спарринг рақиб Олий лига вакили “Машъал” жамоаси эди. “Жар” стадионининг машғулот майдонида ўтган баҳсда муборакликлар 2:0 ҳисобида зафар қучди. Аввалига Зоҳир Қўзибоев ҳисобни очган бўлса, кейинчалик Ҳумоюн Муртазоев ҳам ўз ҳисобига гол ёздириб қўйишга эришди.
Гарчи андижонликларда бир неча бор гол уриш учун имкониятлар юзага келган бўлса-да, якунда ҳисоб бошқа ўзгармади.
“Андижон” бу учрашувда қуйидаги таркибда ўйнади: Акмал Ортиқов, Равшан Асланов, Ҳамза Каримов (Абдулазиз Ёқубов), Сирож Ҳамроев (Қаҳрамон Маҳамаджонов), Фурқат Ҳасанбоев,
Фарҳод Бекмуратов (Жаҳонгир Маҳсудов), Иброҳим Отахонов (Мақсуд Маҳмудов), С. Хамидов (Фирдавс Асадов), Акмал Холматов (Ойбек Нурматов), Шаҳбоз Жумабоев (Рафик Каримов), Анвар Бердиев (Алишер Абдувоҳидов).
Мазкур учрашувдан сўнг футболчиларга уч кунлик дам берилди. 3 август куни жамоа аъзолари клуб қароргоҳида йиғилади ва чемпионатга сўнгги тайёргарлик яна Андижонда бўлиб ўтади.
