Bugun Usmon Toshev boshqaruvidagi “Andijon” Toshkentda navbatdagi sinov-nazorat uchrashuvida maydonga tushdi.
Bu safargi sparring raqib Oliy liga vakili “Mash’al” jamoasi edi. “Jar” stadionining mashg‘ulot maydonida o‘tgan bahsda muborakliklar 2:0 hisobida zafar quchdi. Avvaliga Zohir Qo‘ziboyev hisobni ochgan bo‘lsa, keyinchalik Humoyun Murtazoyev ham o‘z hisobiga gol yozdirib qo‘yishga erishdi.
Garchi andijonliklarda bir necha bor gol urish uchun imkoniyatlar yuzaga kelgan bo‘lsa-da, yakunda hisob boshqa o‘zgarmadi.
“Andijon” bu uchrashuvda quyidagi tarkibda o‘ynadi: Akmal Ortiqov, Ravshan Aslanov, Hamza Karimov (Abdulaziz Yoqubov), Siroj Hamroyev (Qahramon Mahamadjonov), Furqat Hasanboyev,
Farhod Bekmuratov (Jahongir Mahsudov), Ibrohim Otaxonov (Maqsud Mahmudov), S. Xamidov (Firdavs Asadov), Akmal Xolmatov (Oybek Nurmatov), Shahboz Jumaboyev (Rafik Karimov), Anvar Berdiyev (Alisher Abduvohidov).
Mazkur uchrashuvdan so‘ng futbolchilarga uch kunlik dam berildi. 3 avgust kuni jamoa a’zolari klub qarorgohida yig‘iladi va chempionatga so‘nggi tayyorgarlik yana Andijonda bo‘lib o‘tadi.
