«Манчестер Сити» бош мураббийи Хосеп Гвардиола Халқаро чемпионлар кубогидан ўрин олган «Тоттенҳэм»га (3:0) қарши ўйиндан сўнг, дарвозабон Эдерсоннинг ўйинини алоҳида қайд этди.
«У тўпни ўйинга жуда тез киритмоқда ва узоққа етказмоқда. Рақиб прессинг қилаётганида, бу бизга қўл келяпти, тезроқ ҳужумга ўтиб, жарима майдонига яқинлашиш учун имконият туғдирмоқда.
Мен Эдерсонга «Бавария»да ишлаганимда эътибор берганман. Чемпионлар лигасида «Бенфика» билан ўйнаганимизда, у 4-5 марта шунақа қилиб, дарвозамиз олдида хавф туғдирган эди. Эдерсон тўпни кучли зарба билан жарима майдонимизгача етказарди. Маълумки, бундай вазиятларда офсайд қайд этилмайди», — деди Гвардиола Goal хабарида.
