«Реал» бош мураббийи Зайниддин Зидан «Барселона»га (2:3) қарши ICC-2017 ўйинидан сўнг, ўз фикрларини айтди.
«Биз ўйинни ёмон бошладик. Рақиб дастлабки 6-7 дақиқа ичида иккита гол урди, бу эътиборсизлигимиз натижасидир. Шундан сўнг, ўйинни кучайтириб, вазиятни бироз ўнглаб олдик. Аммо бу бизнинг энг яхши ўйинимиз эмасди.
Биз янги мавсумга тайёргарлик олиб бормоқдамиз. Албатта бундай натижаларни кутмагандик, бироқ бу ҳеч нарсани ўзгартирмайди. Энг муҳими - 8 август куни ўтказиладиган Суперкубок баҳсига тайёр бўлиш.
Мағлубиятдан ташвишда эмасман. Ютқазиш жуда ёқимсиз, бироқ муҳими бу эмас. Мен ўйинимизнинг ижобий томонларини ҳам кўрдим. Салбий томонлари устида эса янада кўпроқ ишлаймиз" - деди Зидан «Реал» клубининг расмий сайтида.
