Россия чемпионатида 3-тур ўйинлари ўтказилмоқда.

«Амкар» клуби ўз майдонида «Ростов»ни қабул қилди. 66-дақиқада Зуев томонидан урилган ягона гол «Ростов»га ғалаба келтирди. Бу жамоанинг мавсумдаги дастлабки ғалабаси бўлди.

Ўйиннинг 88-дақиқасида «Ростов» таркибида Ўзбекистон терма жамоаси ҳужумчиси Элдор Шомуродов захирадан майдонга тушди. Унинг дебюти самарали чиқиши мумкин эди. Ўйиннинг сўнгги дақиқаларида Шомуродов жамоадоши Байрамянни дарвозабон билан деярли яккама-якка вазиятга олиб чиққанди. Бироқ ҳужумчининг зарбаси ноаниқ кетди.

Бу ғалабадан сўнг «Ростов» 4 очко билан 8-ўринга кўтарилиб олди.

РФПЛ, 3-тур
Амкар – Ростов 0:1 (0:0)
Гол: Зуев (66).
Амкар: Нигматуллин, Сиваков, Конде, Милькович, Идову, Рязанцев, Гиголаев (Баланович, 74), Голь, Комолов (Костюков, 69), Бодул (Гасилин, 80), Прокофьев.
Ростов: Песьяков, Паршивлюк, Вилюш, Ингасон, Устинов, Зуев (Байрамян, 67), Гацкан, Калачев (Маер, 76), Юсупов, Мевля, Дядюн (Шомуродов, 88).
Огоҳлантиришлар: Юсупов (81), Голь (90+2).