Rossiya chempionatida 3-tur o‘yinlari o‘tkazilmoqda.
«Amkar» klubi o‘z maydonida «Rostov»ni qabul qildi. 66-daqiqada Zuyev tomonidan urilgan yagona gol «Rostov»ga g‘alaba keltirdi. Bu jamoaning mavsumdagi dastlabki g‘alabasi bo‘ldi.
O‘yinning 88-daqiqasida «Rostov» tarkibida O‘zbekiston terma jamoasi hujumchisi Eldor Shomurodov zaxiradan maydonga tushdi. Uning debyuti samarali chiqishi mumkin edi. O‘yinning so‘nggi daqiqalarida Shomurodov jamoadoshi Bayramyanni darvozabon bilan deyarli yakkama-yakka vaziyatga olib chiqqandi. Biroq hujumchining zarbasi noaniq ketdi.
Bu g‘alabadan so‘ng «Rostov» 4 ochko bilan 8-o‘ringa ko‘tarilib oldi.
RFPL, 3-tur
Amkar – Rostov 0:1 (0:0)
Gol: Zuyev (66).
Amkar: Nigmatullin, Sivakov, Konde, Milkovich, Idovu, Ryazansev, Gigolayev (Balanovich, 74), Gol, Komolov (Kostyukov, 69), Bodul (Gasilin, 80), Prokofyev.
Rostov: Pesyakov, Parshivlyuk, Vilyush, Ingason, Ustinov, Zuyev (Bayramyan, 67), Gaskan, Kalachev (Mayer, 76), Yusupov, Mevlya, Dyadyun (SHomurodov, 88).
Ogohlantirishlar: Yusupov (81), Gol (90+2).
