«Арсенал» бош мураббийи Арсен Венгер жамоанинг янги мавсумдаги режаларига тўхталди.
«Ўтган мавсумда биз 75 очко жамғардик. Янги мавсумда эса 10 очко кўпроқ йиғиб, кўрсаткични 85 очкога етказишимиз керак. Бу чемпионлик пойгасида иштирок этиб, унвон учун курашишга етарли бўлади.
Мен ҳар доим навбатдаги ўйинда ғалаба қозониш учун яхши имкониятга эга жамоада ишлайман. Агар Европа лигаси ўйинларида дам олиш имконияти туғилса, ундан фойдаланамиз. Бироқ олдин рақибларимиз ким эканини аниқлаб олиш зарур», — деди Венгер Sky Sports хабарида.