Дортмунднинг «Боруссия» клуби ҳужумчиси Пьер-Эмерик Обамеянг жамоадан кетмаслигини айтди.

«Мен билан қизиқаётган клубларнинг бирортаси битим бўйича келишувга эришолмади. Шунинг учун «Боруссия»да қоламан. Бу ер менга уйимдек бўлиб қолган.
Хитойдан таклиф олган эдим. Бироқ фаолиятимда орқага қадам ташлашни истамадим. Шу туфайли уларнинг таклифини рад қилдим», – деди Обамеянг.

Эслатиб ўтамиз, 27 ёшли ҳужумчи билан «Милан», «Челси», «Ливерпуль» ва «ПСЖ» клублари қизиққан эди. «Боруссия» унинг трансфери учун 100 млн евро сўраганидан сўнг, барчасининг қизиқиши сўнди.