Dortmundning «Borussiya» klubi hujumchisi Pyer-Emerik Obameyang jamoadan ketmasligini aytdi.

«Men bilan qiziqayotgan klublarning birortasi bitim bo‘yicha kelishuvga erisholmadi. Shuning uchun «Borussiya»da qolaman. Bu yer menga uyimdek bo‘lib qolgan.
Xitoydan taklif olgan edim. Biroq faoliyatimda orqaga qadam tashlashni istamadim. Shu tufayli ularning taklifini rad qildim», – dedi Obameyang.

Eslatib o‘tamiz, 27 yoshli hujumchi bilan «Milan», «Chelsi», «Liverpul» va «PSJ» klublari qiziqqan edi. «Borussiya» uning transferi uchun 100 mln yevro so‘raganidan so‘ng, barchasining qiziqishi so‘ndi.