Россиянинг Қозон шаҳридаги стадионда премьер-лига учрашувларидан бири ўтказилаётган вақтда нохуш воқеа содир бўлди.
Маълум бўлишича, “Рубин” ҳамда “Локомотив” жамоалари ўртасидаги ўйинни трибунадан томоша қилаётган футбол мухлисларидан бири юрак ҳуружи оқибатида вафот этган.
Гувоҳларнинг айтишича, кекса мухлиснинг аҳволи кутилмаганда ёмонлашган ва етиб келган тез ёрдам ходимларининг кўрсатган муолажаларига қарамай, қарияни қутқариб қолишнинг иложи бўлмади.
Ўйин тугагандан сўнг “Рубин” жамоаси бош мураббийи Қурбон Бердиев марҳумнинг яқинларига чуқур таъзиясини билдирди.
