Франция чемпионатининг 2-туридан ўрин олган "Страсбур" - "Лилль" ўйинида қизиқ воқеалар юз берди.
63-дақиқада, ҳисоб 0:0 бўлиб турган вазиятда "Лилль" дарвозабони Майк Меньян нимагадир рақиб футболчисининг калласига тўп билан туширди. Натижада, бош ҳакам дарвозабонни зудлик билан майдондан четлатди.
Бу вақтга келиб, "Лилль" бош мураббий Марсело Бьелса учта ўзгаришдан фойдаланган эди. Шу туфайли дарвозага ҳужумчи Николя Де Первиль туришга мажбур бўлди. Бир неча дақиқадан сўнг, у гол ўтказиб юборди. Шундан сўнг, бош мураббий уни ҳужумга қайтарди. Дарвозага эса ҳимоячи Ибраим Амада турди. "Страсбур" эса унга яна иккита гол уриб, йирик ҳисобда ғалаба қозонди - 3:0.
