Fransiya chempionatining 2-turidan o‘rin olgan "Strasbur" - "Lill" o‘yinida qiziq voqealar yuz berdi.
63-daqiqada, hisob 0:0 bo‘lib turgan vaziyatda "Lill" darvozaboni Mayk Menyan nimagadir raqib futbolchisining kallasiga to‘p bilan tushirdi. Natijada, bosh hakam darvozabonni zudlik bilan maydondan chetlatdi.
Bu vaqtga kelib, "Lill" bosh murabbiy Marselo Byelsa uchta o‘zgarishdan foydalangan edi. Shu tufayli darvozaga hujumchi Nikolya De Pervil turishga majbur bo‘ldi. Bir necha daqiqadan so‘ng, u gol o‘tkazib yubordi. Shundan so‘ng, bosh murabbiy uni hujumga qaytardi. Darvozaga esa himoyachi Ibraim Amada turdi. "Strasbur" esa unga yana ikkita gol urib, yirik hisobda g‘alaba qozondi - 3:0.
