“Тоттенхэм” ярим ҳимоячиси Деле Алли якшанба куни бўлиб ўтадиган “Челси”га қарши ўйин ҳақида фикр билдирди.
“Ҳар бир ўйин футболчилар ва мухлислар учун муҳим ўрин тутади. Яширмайман, якшанба кунги тўқнашув “Тоттенхэм” учун муҳим аҳамиятга эга. Охирги икки йилда биз “Челси” билан анча яхши ўйнадик. Кубок ярим финалида ҳам ҳақиқий жанг бўлди, бироқ “Челси” якунда ғалабани илиб кетди. Аслини олганда, биз ҳар битта дербида ғалаба қозонишга интиламиз”, деди Алли.