Daily Mail нашрининг хабарига кўра, катта эҳтимол билан “Манчестер Юнайтед” жамоаси Златан Ибрагимович билан август якунига қадар янги шартнома имзолайди.
Аввалроқ “қизил иблислар” Ибрагимовичнинг жароҳати тўлиқ тузалгандан сўнг шартнома имзолашлари ҳақида хабарлар тарқалганди.
Аммо ҳозирда жамоа раҳбарияти ўз қарорини ўзгартирган, бош мураббий Жозе Моуриньо Златанни Европа Чемпионлар лигаси ўйинларига рўйхатдан ўтказишни истамоқда.
Эслатиб ўтамиз, Ибрагимович Европа Лигаси мусобақасидан ўрин олган “Андерлехт”га қарши учрашувда жиддий жароҳатланганди. Апрелда шикастланган ҳужумчи йил якунига қадар сафга қайтиши мумкин.
