Испания чемпионатининг 1-турида “Барселона” ўз уйида “Бетис”ни қабул қилиб, ишончли ғалабани қўлга киритди.

Меҳмонлар ўйиннинг 36-дақиқасигача номдор рақибга жиддий қаршилик кўрсатишди. Аммо шу паллада Мессидан узатма қабул қилиб олган Деулофеу дарвоза яқинига узатма берди. "Бетис" ҳимоячиси Тошка ўз дарвозасини ишғол қилиб қўйди.

Орадан 3 дақиқа ўтиб бу сафар Деулофеу Сержи Робертога  голли узатма берди ва ҳисоб 2:0га етди.

"Барселона" йирик ҳисобда ғалаба қозониши мумкин эди, бироқ Мессининг зарбаларидан кейин тўп бир эмас, икки эмас, нақ 3 марта рақиб дарвозаси устунларига тегиб қайтди.

Шу тариқа, Вальверде шогирдлари ўз ҳисобларига дастлабки 3 очкони ёзиб қўйишди.

Испания Ла лигаси, 1-тур
"БАРСЕЛОНА" - "БЕТИС" 2:0 (2:0)
Голлар: 1:0 – 36, автогол Тошка, 2:0 – 39 Серджи Роберто.
Барселона – тер Штеген, Маскерано, Альба (Динь, 87), Нелсон Семеду, Умтити, Серджи Роберто, Бускетс, Ракитич, Деулофеу (Алеиш Видаль, 72), Месси, Пако Алькасер (Денис Суарес, 82).
Бетис – Адан, Манди, Тошка, Барраган, Феддаль, Санчес, Камараса (Фабиан Руис, 78), Гуардадо, Матиас Науэль (Guerrero, 72), Нарваэс (Гарсия, 68), Леон.
Огоҳлантиришлар: Альба (52), Матиас Науэль (63).