Ispaniya chempionatining 1-turida “Barselona” o‘z uyida “Betis”ni qabul qilib, ishonchli g‘alabani qo‘lga kiritdi.

Mehmonlar o‘yinning 36-daqiqasigacha nomdor raqibga jiddiy qarshilik ko‘rsatishdi. Ammo shu pallada Messidan uzatma qabul qilib olgan Deulofeu darvoza yaqiniga uzatma berdi. "Betis" himoyachisi Toshka o‘z darvozasini ishg‘ol qilib qo‘ydi.

Oradan 3 daqiqa o‘tib bu safar Deulofeu Serji Robertoga  golli uzatma berdi va hisob 2:0ga yetdi.

"Barselona" yirik hisobda g‘alaba qozonishi mumkin edi, biroq Messining zarbalaridan keyin to‘p bir emas, ikki emas, naq 3 marta raqib darvozasi ustunlariga tegib qaytdi.

Shu tariqa, Valverde shogirdlari o‘z hisoblariga dastlabki 3 ochkoni yozib qo‘yishdi.

Ispaniya La ligasi, 1-tur
"BARSELONA" - "BETIS" 2:0 (2:0)
Gollar: 1:0 – 36, avtogol Toshka, 2:0 – 39 Serdji Roberto.
Barselona – ter Shtegen, Maskerano, Alba (Din, 87), Nelson Semedu, Umtiti, Serdji Roberto, Buskets, Rakitich, Deulofeu (Aleish Vidal, 72), Messi, Pako Alkaser (Denis Suares, 82).
Betis – Adan, Mandi, Toshka, Barragan, Feddal, Sanches, Kamarasa (Fabian Ruis, 78), Guardado, Matias Nauel (Guerrero, 72), Narvaes (Garsiya, 68), Leon.
Ogohlantirishlar: Alba (52), Matias Nauel (63).